(लघुसमीक्षा)
साथी
निबन्ध सङ्ग्रह बारे
साथी निबन्ध सङ्ग्रहबारे मेरा ५००० फेसबुके साथीहरूमाझ मनका कुरा राख्न चाहेँ । ५००० सबै साथीहरूले हेर्छन् नै भन्ने लाग्नु ठीक हाे । नहेरे मेराे के बिग्रिन्छ र ! कसै कसैले हेरेभने पनि मलाई सन्ताेषै लाग्ने छ ।
याे पुस्तक २०६४ सालमा २७ जना सदस्य भएकाे "बिहानी प्रकाशन सहकारी संस्था लि." बाट ५००० प्रति प्रकाशन गरिएकाे थियाे । २७जनामध्ये २५जनाले ५०००/-का दरले रकम जम्मा गर्दा १२५०००/- जम्मा भयाे । ९५०००/- हजार लागतमा ५००० प्रति छापियाे । कथाकार परशु प्रधान प्रमुख अतिथी, कृष्णभूशण बल, नारायण तिवारी, बद्री पलिखे, बम देवान लगायत धेरै साहित्यकार र स्थानीयहरूकाे उपस्थितिमा १००००/- खर्च गरेर पुस्तक विमाेचन गरियाे ।
५०००प्रति पुस्तक १००/- का दरले ५०००००/-, राम्रै गरि संस्था चल्ने आशा त्यतिबेला तुसारापात भयाे जुनबेला किताब नबिकेर बाेरामा राखेकाे पुस्तक मुसाले काटेर नष्ट गर्न थाल्याे ।पुस्तक बचाउन टिनकाे बाकसमा राखेकाे पुस्तक अझै बाकसमा नै थन्कि रहेकाे छ ।
जे हाेस् साथीभाईकाे रकम डुबाएर मेराे पुस्तक छाप्ने रहर पूरा गरेँ । म अझै साथीभाईहरूकाे रकम डुबाएकाेमा लज्जित छु ।
अब निबन्ध सङ्ग्रह बारे -- यश सङ्ग्रहभित्र २५ वटा निबन्ध छन् । सबै उत्कृष्ट नभए पनि "साथी" निबन्ध छाेटाे भएर पनि प्रभावकारी रहेकाे छ । "अन्तिम बिसाैनी" पढ्नेहरूलाई साेचमग्न बनाउन सफल रहेछ भन्ने कृष्णप्रसाद श्रेष्ठ बी.ए. र "तेराख"ले पढिसक्नासाथ फाेन गरेर दिनुभएकाे प्रतिक्रियाबाट मलाई प्रष्ट भएकाे थियाे । पुस्तक बिक्नु नबिक्नु भन्दा पनि आफूलाई लागेकाे कुरा स्पष्ट व्यक्त गर्न सकेमा लेखक सन्तुष्ट भएझैँ म पनि निबन्धमा "अन्तिम बिसाैनी",कथामा "नाति", कवितामा "मानिस" , उपन्यासमा "मानव संसार" र लघुकथामा "नाैरङ्गी" देखि सन्तुष्ट रहेकाे छु ।
..."आफू चाहिँ पक्का साथी बनेर मित्रताकाे कसीमा खराे उत्रनुहाेस् । मित्रताकाे नाममा काेही कलङ्क बन्छ भने त्याे उसैकााे दाेष हुन्छ ।" साथी निबन्धबाट ।
"अन्तिम बिसानी" निबन्धबाट उध्दृत -- "म मात्रै हाेइन, सबै नै अन्तिम बिसाैनीमा एक्लै हुने रहेछन्- राजादेखि रङ्कसम्म । मृत्यु पर्खन सबै एक्लै... एक्लै हुने रहेछन् । सकैकाे यात्रा उस्तै उस्तै हुँदाेरहेछ ।
ऊ आयाे...
खायाे, पियाे, निधायाे...फुस्सा
मृत्यु आयाे, ऊ गयाे...फुस्सा
सब फासफुस, फासफुस्...फुस्सा
कबाेल अनुसार फर्कियाे... ...अन्तिम बिसाैनी...अन्तिम यात्री...अनन्तमै बिलायाे !"
* * *
यी सबै मैले फेसबुकमा उपन्यास(सम्भव नहुने)बाहेक सबै पाेष्ट गरेकाे छु ।
इन्टरनेटमा चाहनुभएमा मेराे उपन्यास "उडान युवा मनकाे"
https://saran-rai.blogspot.com/ मा पढ्न सक्नु हुने छ ।
१साउन २०७८
No comments:
Post a Comment